di Michele Carta
Il testo che segue affronta il tema del terrorismo psicologico che le élites mondialiste utilizzano come metodo di governo per tenere sottomesse le popolazioni europee allo scopo di ammalarle, impoverirle e limarne le capacità critiche affievolite per mancanza di dati provenienti da più fonti e, dunque, non più confrontabili.
Fui pentzandemila una cosa. Sos maccos de Occidente sunt chircande de movere gherra contra sa Russia. In tott’ue in Europa sunt narande a sa zente de si preparare pro su nucleare, de approntare tottu su chi podet serbire pro chircare de si che campare, recattu, abba, combustibile e cada chi siat attera cosa.
Ma mi dimando puru, e si sa gherra no at a movere ite at a essere? A ite las ant fattas preparare tottus custas cosas?
Deo credo chi si sa gherra no at a movere, sas élites occidentales ant a tenner unu vantazzu economicu e sotziale gasi etottu de custa situassione orrorosa e de timentzia chi ant creadu in tottu s’Europa. Est a narrere diffatis chi s’Europa est dae nentzi 3 o 4 anno chi vivet semper in nd una cundissione de terrore e de terrorismu sotziale. Est dae sos tempos de su Covid chi sunt bogande terrore de cada parte; prima fudi su terrore de sa pandemia, a pustis su terrore de sa gherra, a pustis su cambiamentu climaticu. E como chi in America est arribande unu modu de arressonare novu in politica, bonu o malu chi at a essere, pro nois europeo no bi at descansu e reposu de perunu tipu dae su terrorismu sotziale. Inveçes de diminuire su terrorismu psicologicu est aumentande.
Paret chi tottu custa timentzia e terrore siant pentzados e fattos pro lassare sa zente europea sempere preoccupada e senza serenidade, sempere a s’attenta e cun sa mente pentzamentosa e imbizzada a pentzare chi in su venidore at a essere sempere prus peus de su tempu presente.
Cumente diat essere chi in Logu nostru sunt chistionande de aperrerre bunker de cada tipu e in America nudda? Cumente diat essere chi su preparamentu contra un’isplosione nuclerare lu semus faghende nois e in quge nudda? Istranu paret ma pentzandesila bene no est istranu.
Sa gherra de Ucraina fatta dae sos Americanos e sos Inglesos l’indischiant tottus chi doppiat faghere dannu a sa Russia e mescamente a sa Europa etottu. A sos de Moscovia no l’at fattu belle nudda custa gherra, a nois nos ant distruidu s’economia, sa sotziedade e sa industrializzassione (bolet a vider cumente prova su tubu de su gas chi ant fattu brincare cun nd una colada de carchi isplosivu in mesu de mare).
Duncas paret fatzile a narrere chi si no at a essere movida gherra nuclerare, sas élites ant a aver ottennidu unu vantazzu gasi etottu, ço est su vantazzu de sighire in terra nostra cun sa cundissione de terrorismu economicu, psicologicu, sotziale e politicu chi sas predittas elites aviant zai incumentzadu in su periodu Covid, comunte appo subranaradu e esplicadu prima.
Si gherra no diat a essere, terrorismu psicologicu e timentzia essere diat pro sos Europeos! Si in Europa no nos bocchit sa gherra e su nucleare, nos at a bocchire sa timentzia e s’ansia chi nos ant postu in conca sas istitussiones e sas élites de Ue, de America e de sa Uk
Unu saludu mannu a tottus sos de Dsp.