di Michele Carta
Augurande a tottus una bona Passa de Resuressione, vozzo narrere chi est esperu meu chi in su partidu, in su venidore, siat a tottus de referimentu e esempiu su curazu e s’attrivimentu de su presidente de sa Slovacchia Fico chi a innantis de tottu sa UE no l’at timiu sas menezzas de sa estone Kallas chi at avvertidu chi si esseret andadu a Russia pro sa Festa de sa Vittoria contra sos nazistas, sa UE diat aver approntadu carchi azione pro li fagher dannu e pro lu punire pro no aver rispettadu sos ordines ideologicos de sas élites mondialistas europeas.
Issu cun animu forte e deçidiu l’at naradu a sos de sa UE chi in su Logu suo su chi est a faghere lu decidint sos çittadinos e issu etottu chi a cussos cittadinos dat rappresentantzia e nemos istranzu si podet permittere de narrere ite sos slovaccos deppent faghere o nono. Custu est su modu de chistionare e faghere chi depet tennere unu sovranista e unu patriota de su Logu suo. Cummente appo naradu in cussu articuleddu de su 9 de frearzu chi appo pubblicadu narada “politica”, torro a narrere e a proponnere s’idea chi siat ora de creare una unidade europea cun zente cumente Fico, ço est una unidade chi in cussu articuleddu deo naravo ” Internassionale Sovranista”. Una Internassionale chi si podet avviare chircande de instaurare trattamentas e accordios cun Fico etottu e cun su partidu suo pro prima cosa e a pustis fintzas cun ateros partidos europeos chi tenzant sas matessi ideas e visione politica de DSP. Pare custa, pro como, s’unica via pro creare unu fronte anti mondialista e anti elitariu chi potzat frimare e ponnere unu limite a s’arrogantzia e sa malesa chi sas élites tenent e ch’ant mostradu claramente serrande su contu corrente de VisioneTV e faghende atteros noghimentos graves a tottus sos chi si poniant contra sas ideas de sas élites europaes, chi a sa sola in custu mundu cherent sa gherra mundiale contra sa Russia e s’eliminassione fisica, culturale e identitaria de cada çittadinu de Russia. Cun s’auguriu, duncas, chi custa Internassionale sovranista chi appo propostu potzas essere de azzudu in sa batalla contra sas élites mondialistas e torrande a augurare una bona passa a tottus, Bos saludos cun cada bene. A nos videre a sa prossima reunione.